رواية غلطة ولكن الفصل الرابع 4 بقلم حبيبه ممدوح
#غلطة_ولكن..
#بارت_4
صحيت تانى يوم ع نفس الصوت ال صحيت علية امبارح
_قومى يبت الساعة بقت ٩
قومت بسرعة وقولت
_الشغل راح عليا..
سكت شوية وادركت انى ليلى مش محمد
_مالك ساكتة لى متقومى
_اقوم لى؟
_اصل ف حاجة كدا النهارده لازم كدا يحبيبة ماما نعملها سوا..وبالنسبة للشغل ف انا اتصلت ب المدير واخدتلك منة اجازة بنفسى
_خير
_خير!
والله ما شوفتى تربية
_شكراً ...عاوزة اي
_البيت
بصيت حواليا وقولت
_مالة جميل احسن من بيتنا ال ف الحارة..
_بيت مين !
اخدت بالى انى عكيت فِ ال قولتة ف قولت
_اةةة...قصدى بيت مريم يحاجة
_يادى مريم..المهم
_خير
_خير تانى؟
_يست الكُل اخلصى
_اخلص؟ نهارك شبة وشك...اصوت!
_اي دا انتِ لسا مصوتيش؟
_يالهوووووى
_خلاص يحاجة عاوزة اي
_البيت..
_مالو بردو
_عاوز يتنضف
_لى ماهو جميل اهو
_جميل!
صبر ايوب يا رب ماشي هنعتبرة جميل بس لازم يبقا جميل اكتر
_لى بقا
_اصل
_اصل اي
_جايلك عريس...
قومت بسرعة من ع السرير وقولت
_نعاااااااامممم
_اي يبت يقليلة الا..دب انتِ بتتكلمي كدا لى
قولت وانا بحاول اتماسك اعصابى
_حاجة
الله يباركلك اصطبحى وقولى يصبح احنا لسا بنقول يفتاح يعاليم يرزاق يكريم..ف اى بقا
_اى
_تروح للراجل ال برة دة ال مش بيبطل طلبات بينادى عليكى
بصتلى بشك
_بينادى عليا انا؟
بس انا مسمتعهوش
سكت وعملت نفسى بتصنط الصوت وشاورت وقولت
_اهو بيقولك تعالى ي لولو
_لولو؟
_بوبو
_بوبو
_يستيى انا غلطان بيقولك ي ام ليلى يالة اجرى
_ايوا يحاج جاية
طلعت من الاوضه وانا اترميت ع السرير أكمل نوم تانى
يدوب غمضت عينى وقومت ع شبشب لبس ف وشى
_اى دااا اى دا
_مش عارفة اى دا
بقا انا بتضحكى عليا وبتوزعينى
قولت بنفاذ صبر
_يولية عيب حضرتك زوديتها ع الآخر
_لزمتها اي حضرتك يـ قليلة الرباية بعد ولية؟
_يووووة
قعدت ع السرير واتربعت وبدات اعد ع ايدى واقول
_جواز انسى
تنضيف بيت مش هنضف
حاجة تانى؟
_طيب قابلية يبنتى انتِ عارف دا العريس الكام ترفضية؟
_الكام يعنى
قولت وانا بتعوج
_اصل مبعدش..كلها شكليات يـ حاجة
_دا سادس عريس الشهر دا يترفض لا وكمان قبل ما بتشوفيهم بترفضى
بس ودينى وايمانى لهتقابلية وي انا ي انتِ ي بنت بطنى
سابتنى وخرجت
قولت ببرود
_طيب اطفى النور بقاااا علشان اكمل نوم
انا مش عارف اعمل اى ف الحوسة ال انا فيها دى طلعت اتسحبت وفتحت الباب بس اتقفشت المرة دى
_رايحة فين
اتخضيت وقولت
_اي ياا حاج حد يخض حد كدا
_انا بقول بتتسحبىى كدا ورايحة فين
_انا؟
هز راسة ب اة
_عند..عند..عنددد مريم صحبتىىى
_تانى مريم!
_اة اصل امها بتموت والله هروحلها بسرعة وهاجى يالة باى
نزلت بسرعة قبل ما يمسكنى وروحت جرى ع بيت يونس..
بس الغريب خبطت كتير محدش بيفتح وافتكرت ان النهارده السبت وهو الشفت بتاعة الصبح..قعدت اتمشى ف الشوارع لحد ما روحت تانى
قررت اهرب من كل دا بالنوم
صحيت ع المغرب وصوت ناس برة
_قومى يبتتت كل دا نوم يخربي..تك
_يوووة يستى بقا هو انا كل ما انام اصحى القيكى هو انتِ مش هتتغيرى؟
_صبرك الناس تمشى وهعيد تربيتك من جديد
_ناس مين؟
_اهل العريس
_مبروك .. اطفى النور واطلعلى برة
_والله العظيم لو ما طلعتى لهولعلك ف ام الاوضه دىىى وعليا وع اعدائى..
_جاىىىى وراكى اهو
قومت وحتى مغسلتش وشى وطلعت..
_اهى العروسة جت..
_اي اللبس دا يبت؟
طالعة ب البيجامة
كلهم ضحكو ماخدتش بالى من حد وببص لقيت ماما وبابا قاعدين..ثوانى دا محمد.....
#يتبعععععععع
#ابنةة_ممدوح♥
